Cakaj telefonon Urmas Reinsalu: Mirënjohje Estonisë për mbështetjen në kandidaturën për Këshillin e Sigurimit

Ministri në detyrë për Evropën dhe Punët e Jashtme, Gent Cakaj, zhvilloi një telefonatë me Ministrin e Jashtëm të Estonisë, Urmas Reinsalu.

Homologët diskutuan veçanërisht mbi bashkëpunimin mes dy vendeve në rrafshin shumëpalësh.

“Së pari, falënderues për mbështetjen e vazhdueshme për procesin e anëtarësimit në Bashkimin Evropian të Shqipërisë.” – u shpreh Cakaj në një reagim në facebook, lidhur me telefonatën e zhvilluar.

Më tej, të dy ministrat biseduan në lidhje me mbledhjen virtuale të ministrave të jashtëm të OSBE-së që organizohet nga Shqipëria, si kryesi e radhës.

“Mirënjohje Estonisë jo vetëm për mbështetjen politike për kandidaturën e Shqipërisë në Këshillin e Sigurimit 2022-2023, por edhe gatishmërinë për ndihmë teknike për skuadrën e diplomatëve të përfshirë në këtë ndërmarrje.” – përfundoi Kryediplomati Cakaj reagimin.

Adresa

Plateia “Arch.Spyridonas” ,13, Odos “Anastasiou Zini”,
12, T.K. 45444, Ioannina, Greece

Tel / Fax

Tel. +30 26510 21330 +30 26510 22636
Fax. +30 26510 37768
Nr. i emergjences: +306971533398

E-MAIL

consulate.ioanina@mfa.gov.al

Orari zyrtar

E hënë- E premte
09:00 - 17:00