Mbledhja e ministrave të jashtëm të Ballkanit Perëndimor/ Cakaj: Bashkëpunimi rajonal mbetet thelbësor për anëtarësimin në BE

Ministri në detyrë për Evropën dhe Punët e Jashtme, Gent Cakaj, mori pjesë në mbledhjen virtuale të zhvilluar mes ministrave të jashtëm të Ballkanit Perëndimor dhe vendeve mbështetëse të Procesit të Berlinit.

Në këtë takim, tema qëndrore e së cilit, ishte rinia dhe shoqëria civile, u shpreh edhe një herë përkushtimi i Shqipërisë për bashkëpunim rajonal dhe anëtarësim në Bashkimin Evropian.

“Është thelbësore të vazhdojë mbështetja për nismat në shërbim të forcimit të rinisë, shoqërisë civile dhe pajtimit ndër-etnik, sikurse RYCO dhe Fondi i Ballkanit Perëndimor.” – theksoi Cakaj në një reagim në facebook, sa i përket takimit të zhvilluar.

Gjithashtu, Ministri në detyrë Cakaj shtoi se ekziston një nevojë e dukshme për të pasur një qasje më dinamike për zbatimin e prioriteteve të Procesit të Berlinit, sa i përket tregut e ekonomisë, ndërlidhjes më të madhe e lëvizjes së lirë, shërbimeve për njerëzit e digjitalizimit, në përgjithësi.

“Është e qartë, sa i përket Shqipërisë: bashkëpunimi rajonal nuk është zëvendësim, por pjesë thelbësore për ta ndihmuar e përshpejtuar anëtarësimin në Bashkim Evropian.”- përfundoi Cakaj reagimin e tij.

Adresa

Plateia “Arch.Spyridonas” ,13, Odos “Anastasiou Zini”,
12, T.K. 45444, Ioannina, Greece

Tel / Fax

Tel. +30 26510 21330 +30 26510 22636
Fax. +30 26510 37768
Nr. i emergjences: +306971533398

E-MAIL

consulate.ioanina@mfa.gov.al

Orari zyrtar

E hënë- E premte
09:00 - 17:00