Tiranë, 2 korrik 2024 – Ministri për Evropën dhe Punët e Jashtme, Igli Hasani, priti në një takim të Dërguarin e Posaçëm të Qeverisë kineze për Çështjet Evropiane, Wu Hongbo, i cili vizitoi Shqipërinë.
Vizita e z. Hongbo vjen në 75-vjetorin e vendosjes së marrëdhënieve diplomatike mes dy vendeve, moment i cili nënvizon vullnetin për të çuar më tej mirëkuptimin e ndërsjellë dhe bashkëpunimin për të ardhmen.

Pas 10 ditëve të mbushura plot me aktivitete të shumta kulturore, historike dhe artistike, përmbyllëm sot me sukses programin e shkollës verore “Jam Shqiptar”.
Në ceremoninë përmbyllëse të aktivitetit që u mbajt në MEPJ, me 20 nxënësit e shkollave shqipe në Itali, zv.Ministrja Megi Fino shprehu mirënjohjen dhe përgëzimet e saj për punën dhe përkushtimin e treguar nga të gjithë pjesëmarrësit dhe organizatorët.
Ajo theksoi rëndësinë e ruajtjes së gjuhës dhe kulturës shqiptare në diasporë dhe vlerësoi programin “Jam Shqiptar” si një nismë të suksesshme në këtë drejtim.

Me moton “Të bashkohemi për një bashkëpunim paqësor në zonën e BSEC”, Shqipëria ka përmbyllur me sukses kryesimin e Organizatës për Bashkëpunimin Ekonomik të vendeve të Detit të Zi.
Ministri për Evropën dhe Punët e Jashtme, Igli Hasani, drejtoi takimin virtual të 48-të të Këshillit të Ministrave të Punëve të Jashtme të vendeve anëtare të BSEC, ku prezantoi të gjitha arritjet e kryesisë shqiptare.

Luksemburg, 24 qershor 2024 – Me ftesë të Përfaqësuesit të  Lartë/Zv. Presidentit të  Komisionit Evropian, Josep Borrell, Ministri për Evropën dhe Punët e Jashtme, Igli Hasani mori pjesë në takimin informal mes Ministrave të Jashtëm të BE dhe Ministrave të Jashtëm të Ballkanit perëndimor.
Ministri Hasani rikonfirmoi përafrimin e plotë të Shqipërisë me politikat e jashtme dhe ato të sigurisë të Bashkimit Evropian si dhe nënvizoi integrimin gradual si një prej mekanizmave të duhur për zgjerimin e BE.