Gjatë vizitës së tij në Nju Jork, Ministri për Evropën dhe Punët e Jashtme, Igli Hasani, zhvilloi një takim me Sekretarin e Përgjithshëm të Organizatës së Kombeve të Bashkuara (OKB), Antonio Guterres.
Në fokus të takimit ishte puna e Shqipërisë gjatë mandatit të saj dy-vjeçar në Këshillin e Sigurimit si dhe përpjekjet për rigjallërimin e bashkëpunimit shumëpalësh.
Ministri Hasani e siguroi Sekretarin Guterres për angazhimin e palëkundur të Shqipërisë në mbrojtjen e të drejtave të njeriut, ruajtjen e ligjit ndërkombëtar, Kartën e OKB-së dhe garantimin e llogaridhënies.

Ministrja për Evropën dhe Punët e Jashtme, Olta Xhaçka, priti në një takim Ministren për Çështjet e Bashkimit Evropian të Suedisë, Jessika Roswall.
Ministrja Xhaçka vlerësoi vizitën e Ministres Roswall në Shqipëri, teksa u shpreh se ky takim rikonfirmon faktin se Suedia i njeh arritjet e Shqipërisë dhe mbështet rrugëtimin e vendit tonë drejt BE.
Të dy zyrtarët u shprehën parimisht se integrimi i rajonit të Ballkanit Perëndimor në BE mbetet kyç për sigurinë e rajonit dhe gjithë Evropës.

Ministrja për Evropën dhe Punët e Jashtme, Olta Xhaçka, ka pritur në një takim Ministrin për Punët e Jashtme dhe Çështjet Evropiane të Kroacisë, Gordan Grlic-Radman.
Ministrja Xhaçka vlerësoi arritjet e Kroacisë pas anëtarësimit në Bashkimin Evropian, teksa theksoi se Kroacia do vijojë ta mbështesë Shqipërinë në rrugëtimin e saj evropian.

Ministrja për Evropën dhe Punët e Jashtme, Olta Xhaçka, ka zhvilluar një takim me zv.Ndihmës Sekretarin e Shtetit për Çështjet Evropiane dhe Euroaziatike dhe i Dërguari i Posaçëm për Ballkanin Perëndimor,Gabriel Escobar.
Dy zyrtarët vlerësuan partneritetin strategjik mes Shqipërisë dhe ShBA-ve, teksa në fokus të bisedës ishte edhe forcimi i mëtejshëm i sigurisë dhe qëndrueshmërisë në rajon, në kontekstin e situatës së sigurisë në Evropë.
Ministrja Xhaçka shprehu mirënjohjen ndaj Gabriel Escobar për mbështetjen e pakursyer ndaj Shqipërisë dhe rajonit të Ballkanit Perëndimor.