Konsulli i Përgjithshëm i RSH-së në Stamboll, z. Armand Shandro, nisi aktivitetin e tij me ndalesën e parë në Konsullatën e Përgjithshme të Republikës së Kosovës, ku u takua me Konsullen e Përgjithshme të Kosovës në Stamboll, znj. Suzan Novobërdaliu, dhe stafin e saj.

Në një atmosferë po aq miqësore e institucionale u diskutua mbi identifikimin e bashkëpunimit ndërmjet dy Përfaqësive. Bazuar në këtë, do të hartohet një kalendar i përbashkët aktivitetesh që përfshijnë diasporën shqiptare, studentët, të rinjtë profesionistë dhe promovimin e marrëdhënieve kulturore.

Ura e Bosforit në Stamboll ndriçohet Kuq e Zi për Festën e Flamurit. 

Ministri i Punëve të Jashtme i Republikës së Turqisë, z. Mevlüt Çavuşoğlu zhvilloi një takim shumë konstruktiv dhe të frutshëm me Konsujt e Përgjithshëm në Stamboll. Diskutimi u fokusua në prioritetet e politikës së jashtme turke, zhvillimet rajonale dhe globale si dhe sfidat gjatë periudhës së pandemisë.

Kryetari i Bashkisë së Beyoğlu, z. Haydar Ali Yildiz, në datë 11 nëntor me rastin e Ditës të Pyllëzimit në Turqi, ka iniciuar nismën e mbjelljes së fidanëve të ullirit në kopshtin e ndërtesës së Bashkisë dhe hapësirave rreth saj.

Në këtë kuadër, Nënkryetari i Bashkisë, z. Mehmet Erdoğan dhe stafi i tij zhvilluan një vizitë në Konsullatën e RSH-së në Stamboll duke dhuruar fidanët e ullirit Konsulles së Përgjithshme, znj. Blerta Kadzadej, në emër të tij duke përcjellë mesazhin e paqes, shëndetit dhe mirësisë në të gjithë botën.