Ministria e Punëve të Jashtme dhe Përfaqësitë Diplomatike dhe Konsullore të Republikës së Shqipërisë lançojnë aplikacionin konsullor 'E-Konsullata'. Ky aplikacion vjen ne kuadër të reformës së ndërmarrë nga MPJ në fushën e shërbimeve konsullore.
Aplikacioni konsullor 'E-Konsullata' mund të shkarkohet në celularin tuaj nga Appstore dhe Playstore në çdo aparat celular apo tabletë që ka akses në internet dhe mund të përdoret kudo, duke shërbyer si një platformë interaktive komunikimi dhe informimi për të gjithë qytetarët shqiptarë kudo që ndodhen.
Në aplikacion do të gjeni:
-kontaktet e sakta dhe koordinatat e çdo përfaqësie shqiptare në botë;
-informacion mbi procedurat e legalizimeve të dokumenteve;
-shërbimet e tjera konsullore brenda dhe jashtë vendit;
-informacione mbi situatën politike e shëndetsore, mbi gjuhën, kulturën, besimin, valutën për secilin vend prej 181 vendeve pjesë e E-Konsullata.
Ajo është një portë e drejtpërdrejt komunikimi me Ministrinë e Punëve të Jashtme pasi nëpërmjet saj mund t'i drejtoheni dhe raportoni në Drejtorinë e Shërbimeve Konsullore te MPJ-së. Nëpërmjet këtij aplikacioni do të gjeni përgjigjen e shumë pyetjeve për shërbimet që mund të ofrojë Ministria e Punëve te Jashtme dhe selitë diplomatike e konsullore të Republikës së Shqipërisë në botë, duke shërbyer njëkohësisht dhe si një udhërrëfyes për sigurinë e shtetasve shqiptarë që ndërmarrin udhëtime në çdo vend të botës.
Ju ftojmë ta shkarkoni aplikacionin në:
App Store - iTunes – Apple: https://itunes.apple.com/bt/app/e-konsullata/id1135893227…
Android Apps on Google Play: https://play.google.com/store/apps/details…

Shqiptarët në ‪Stamboll - Për asistencë konsullore emergjente lutemi telefononi në nr: +355699826678 dhe 08000022 ose email: DK@mfa.gov.al

Aeroporti ndërkombëtar ‪Ataturk në Stamboll aktualisht i mbyllur & të gjitha fluturimet janë anulluar. Info emergjence:

Çfarë është ColoursofAlbania?
Fushatë mbarëkombëtare dhe konkurs fotografik në mediat sociale për promovimin e Shqipërisë
(Instagram, Facebook, Twitter, Web)
Prezanto me imagjinatë Shqipërinë!
Kjo iniciativë synon prezantimin e imazhit të vendit, duke përcjellë anë e mbanë botës ngjyrat e vërteta të shoqërisë, qytetet dhe fshatrat mahnitëse, bregdetet dhe pejsazhet e paprekura, si dhe pazaret e kështjellat historike të Shqipërisë.
Konkursi #ColoursofAlbania

Nën kujdesin e veçantë të Ministrisë së Punëve të Jashtme, Sektori i Diasporës në bashkëpunim me Organizatën Ndërkombëtare për Migracionin (IOM) po zbaton projektin “Shfrytëzimi i ndikimit pozitiv të migracionit shqiptar për zhvillimin e Shqipërisë”, financuar nga Fondi i Zhvillimit i IOM.

Projekti ka si objektiv të përgjithshëm mbështetjen e përpjekjeve të qeverisë shqiptare në procesin e angazhimit të komuniteteve shqiptare jashtë vendit për të kontribuar në zhvillimin ekonomik, shoqëror dhe politik të vendit.