Shqip
English
Orari i veprimeve konsullore:
E hënë - e enjte: 10:00 - 12:00 dhe 13:00 - 15:00
E premte: 10:00 - 12:00 dhe 13:00 - 14:00
Telefon: + 377 45 600 173
SHTETESIA
Me lindje
Në bazë të Ligjit nr. 8442, datë 21.1.1999 ”Për disa ndryshime në Ligjin nr. 8389, date 5.8.1998, “Për shtetësinë shqiptare”, çdo fëmijë që lind jashtë territorit të Republikës së Shqipërisë, duke pasur qoftë edhe njërin prej prindërve me shtetësi shqiptare, e fiton vetiu shtetësinë shqiptare.
Prindërit e fëmijës duhet të paraqiten në Përfaqësi për deklarimin e lindjes së fëmijës me dokumentacionin e nevojshëm që përfshin:
1. Aktin e lindjes së fëmijës;
2. Deklaratën e prindit jo shqiptar për pëlqimin e tij që fëmija të marrë shtetësinë shqiptare;
Të dy këto dokumente duhet të jenë të legalizuar nga autoriteti kompetent i vendit përkatës.
Me Natyralizim duhet të paraqiten dokumentet si më poshtë:
- Kërkesa e shtetasit të huaj drejtuar Presidentit të Republikës së Shqipërisë. Kjo kërkesë duhet të përmbajë identitetin e plotë të kërkuesit (emër, mbiemër, datëlindje, vendlindje, shtetësi), adresën e saktë të vendbanimit të tij të përhershëm dhe adresën ku pret informim për ecurinë e aplikimit të tij, si dhe arsyet e kërkesës për fitimin e shtetësisë shqiptare. Kërkesa nënshkruhet me emër, mbiemër e firmë nga kërkuesi;
- Çertifikata e lindjes, origjinale, e legalizuar me vulën e Ministriseë së Brendshme të Kosovës, vulën e Ministrisë së Jashtme dhe me vulën e Ambasadës;
- Leje qëndrimi në Republikën e Shqipërisë, sipas kritereve të ligjit për shtetësinë (1 vjecare, 3 vjecare ose 5 vjecare)(fotokopje e noteruar)
- Akti i pronësisë së banesës ose kontrata e zënies me qera të banesës (fotokopje e noteruar);
- Kontrata e punës për të punësuarit ose vërtetimi nga zyra e tatimeve për të vetpunësuarit ose investitorët (fotokopje e noteruar);
- Dokumente që vërtetojnë disponimin e mjeteve financiare të mjaftueshme për jetesë, si garanci bankare, librezë kursimi, vërtetime zyrtare të ardhurash (fotokopje e noteruar);
- Dëshmia që personi nuk është nën hetime, e legalizuar me vulën e Gjykatës, vulën e Ministrisë së Jashtme dhe vulën e Ambasadës,
- Fotografia e aplikuesit, tre copë ( në rast se ka fëmijë minorenë, fotografi për secilin prej tyre);
- Çertifikata (kur është e nevojshme) për të vërtetuar origjinën shqiptare të kërkuesit, deri në dy shkallë, qoftë dhe nga njëri prind.
* Shtetasit e Kosovës që janë të martuar me një Shtetas/e të Shipërisë për më shumë se tre vjet, duhet të kenë lejeqëndrimi 1 vjecare që të mund të aplikojnë për fitimin e shtetësisë shqiptare
** Shtetasit e Kosovës që mund të vërtetojnë deri në dy breza prejardhjen nga Shqipëria, pra nëse njërin nga prindërit apo njërin nga gjyshërit e kane me shtetësi shqiptare, duhet të kenë lejqëndrimi 3 vjecare për të aplikuar për fitimin e shtetësisë shqiptare
Rifitimi i shtetësisë shqiptare dhe dokumentacioni që kërkohet për këtë qëllim:
Personi që ka hequr dorë nga shtetësia shqiptare për shkak të premtimit për fitimin e një shtetësie tjetër, e rifiton shtetësinë shqiptare në qoftë se nuk ka fituar shtetësinë e premtuar. Edhe në këto raste paraqiten dokumente identifikuese, si dhe dokumente që argumentojnë kërkesën e shtetasit shqiptar si:
- Kërkesa e qytetarit drejtuar Presidentit të Republikës së Shqipërisë. Kjo kërkesë duhet të përmbajë identitetin e plotë të tij (emër, mbiemër, datëlindje, vendlindje, shtetësi), adresën e saktë të vendbanimit të tij të përhershëm, adresën (nr. tel.) ku pret informim për ecurinë e aplikimit të tij, si dhe arsyet e kërkesës për rifitimin e shtetësisë shqiptare. Kërkesa nënshkruhet me emër, mbiemër e firmë nga kërkuesi;
- Çertifikata e lindjes dhe ajo familjare (të legalizuara);
- Relacioni shpjegues dhe konfirmimi nga komisariati i policisë vendore dhe prefektura përkatëse lidhur me shtetësinë që kanë ose kanë pasur prindërit e çdo aplikuesi.
- Deklarata noteriale nga çdo aplikues madhor, për faktin e aplikimit ose jo për të fituar shtetësi tjetër;
- Vërtetimini i njësisë administrative përkatëse për çdo aplikues madhor;
- Çertifikata e lindjes ose e vdekjes së prindërve të çdo aplikuesi;
- Fotografia e aplikuesit, tre copë (në rast se ka fëmijë minorë, fotografi për secilin prej tyre).
MARTESAT
Në Ambasadë është e mundur të lidhet martesa dhe lëshohet çertifikatë martese, kur të paktën, njëri nga bashkëshortët është shtetas shqiptar.
Dokumentacioni i nevojshëm për lidhjen e martesës në përfaqësi:
1. Kur të dy shtetasit janë shqiptarë:
- çertifikatë lindje me foto ose me fotokopjen e kartës së identitetit bashkëlidhur, për secilin nga bashkëshortët;
- çertifikatë për lidhje martese, për secilin nga bashkëshortët;
- Në të dy rastet, çertifikatat e lindjes dhe ato për leje martese duhet të jenë të legalizuara nga prefekturat dhe të kenë vlefshmëri, në kohë, deri në 3 muaj nga data e lëshimit të tyre.
2. Kur një nga bashkëshortët është shtetas shqiptar:
- Për shtetasin shqiptar:
- Kërkohen dokumentet si në pikën 1.
Për shtetasin e huaj:
- leja e martesës nga vendi i origjinës;
- vërtetim nga ambasada e vendit të origjinës e akredituar në vendin pritës (ose nga ambasada respektive që e mbulon shtetin ku kryhet martesa, në rastin kur nuk ka ambasadë të akredituar) i cili konfirmon vlefshmërinë e lejes së martesës;
- çertifikatë lindje;
- fotokopje e pasaportës;
- dokumentacioni duhet të jetë i legalizuar
- dokumentacioni duhet të jetë i përkthyer në gjuhën shqipe nga autoritetet kompetente të vendit pritës.
LEGALIZIMI I DOKUMENTEVE
Legalizimi i c’do dokumenti lëshuar nga institucionet e Kosovës bëhet në Ambasadë nga e hëna deri të premten. Për t’u legalizuar dokumenti duhet te ketë vulën legalizuese të institucionit qe e lëshon atë dokument, si dhe vulën legalizuese të Ministrisë së Jashtme të Kosovës.
Legalizimi kushton 20 euro.
VIZA
Në bazë të Marrëveshjes Mbi Lëvizjen e Ndërsjelltë të Shtetasve midis Republikës së Shqipërisë dhe Republikës së Kosovës, date 29 mars 2010, shtetasit e Kosovës nuk kanë nevojë të aplikojnë për vizë hyrëse në territorin e Shqipërisë për një vizitë ose qëndrim jo më të gjatë se 90 ditë, brenda një afati 180 ditë nga data e hyrjes së pare.
Shtetasit e Republikës së Kosovës mund të hynë në territorin e Shqipërisë me një nga dokumentet në vijim:
1. Pasaportë e zakonshme;
2. Pasaportë Diplomatike;
3. Pasaportë Zyrtare;
4. Letërnjoftim;
5. dokument udhëtimi grupi;
6. dokument I vlefshëm udhëtimi për kthim në Republikën e Kosovës;
7. leje për qarkullim në zonat kufitare;
8. dokument udhëtimi të lëshuar në përputhje me të drejtën ndërkiombëtare të zbatueshme për palët kontarktuese.
Ambasada e Republikës së Shqipërisë në Kosovë pranon aplikime dhe lëshon viza vetem për shtetasit e huaj rezidentë në Kosovë. Për mënyrën e aplikimit dhe llojet e vizave konsultohuni me faqen zyrtare të Ministrisë së Jashtme të Republikës së Shqipërisë.
