KONSULLATA E PËRGJITHSHME SHQIPTARE NË MILANO, DITËN E PREMTE DT. 21 PRILL 2023 DO TË QËNDROJË E MBYLLUR ME RASTIN E FESTËS SE BAJRAMIT. 
STAFI KONSULLOR URON TE GJITHË BESIMTARËVE GËZUAR FESTËN!

Në kuadër të Ditës Kombëtare të Diasporës, Ministrja për Evropën dhe Punët e Jashtme, Olta Xhaçka, mori pjesë në mbledhjen vjetore të Këshillit Koordinues të Diasporës.
Ministrja Xhaçka theksoi se forcimi i marrëdhënieve me diasporën është një mundësi dhe potencial i jashtëzakonshëm, teksa nënvizoi faktin se duhen gjetur mënyra për të ndërtuar modele bashkëpunimi me të.
 

 
Gjatë ministerialit të NATO-s në Bukuresht, Ministrja për Evropën dhe Punët e Jashtme, OltaXhaçka, ka zhvilluar një takim me Zëvendës kryeministrin dhe Ministrin e Punëve të Jashtme të Italisë, Antonio Tajani.
Ministrja Xhaçka u shpreh se rivitalizimi i angazhimit të Italisë në Ballkanin Perëndimor është një lajm i shkëlqyer për rajonin, teksa theksoi se Shqipëria vlerëson partneritetin e sa jstrategjik dhe miqësinë historike me Italinë dhe popullin e saj.

Ministrja për Evropën dhe Punët e Jashtme, Olta Xhaçka, ka zhvilluar një takim me të Dërguarin Special të Mbretërisë së Bashkuar për Ballkanin Perëndimor, Sir Stuart Peach.
Në fokus të takimit ishte situata në rajon dhe bashkëpunimi në kuadër të Këshillit të Sigurimit.
Ministrja Xhaçka dhe Sir Peach shprehën dakordësinë se lufta në Ukrainë kërkon avancimin e dialogut Kosovë-Serbi dhe përmirësimin e situatës në Bosnje-Hercegovinë.
Kryediplomatja Xhaçka shprehu mirënjohje ndaj përkushtimit të Qeverisë së Mbretërisë së Bashkuar për sigurinë e Ballkanit Perëndimor.