Ambasadori Fatos Reka ishte i pranishëm në eventin e organizuar nga Kompania prestigjoze «Dauti», me rastin e 30 vjetorit të krijimit të saj. Në ceremoninë e organizuar me këtë rast në mjediset e Kompanisë ku veç të pranishëmve, biznesmen nga RMV, por edhe nga Shqipëria e Mali i Zi ku Kompania «Dauti» zhvillon aktivitetin e saj, ishte edhe Presidenti i vendit Stevo Pendarovski. CEO i kompanisë z. Xhemail Dauti foli shkurtimisht për rrugëtimin e suksesshem të kompanisë që nga themelimi i saj, marrëdhëniet me partnerët, stafin, bashkëpunëtorët pa kontributin e të cilëve nuk mund të kuptohet edhe suksesi 30 vjeçar i «Dautit». Po ashtu Kompania në filozofinë e saj ka edhe dimensionin filantropik, bamirës e humanitar të fokusuar në arsimimin e ngritjen profesionale të stafit, por edhe më gjerë. I urojmë Kompanisë «Dauti» suksese të tjera në veprimtarinë e saj në të ardhmen e posaçërisht CEO-s së saj z. Xhemail Dauti, mik po ashtu i Ambasadës së Republikës së Shqipërisë në Shkup.