Ambasadori i Shqipërisë në Shkup, Denion Meidani, së bashku me zv/KM Arben Fetai, vizituan sot varrezat e dëshmorëve të kombit në Sllupçan, ku vendosën buqeta me lule për të nderuar heronjtë e luftës së vitit 2001. Ish-ushtarët e UÇK-së dhe familjarët e dëshmorëve ndanë histori të paharrueshme për sakrificën e tyre të jashtëzakonshme, që sot është themel i të drejtave dhe lirive që gëzojmë si shqiptarë.

Ambasadori i Republikës së Shqipërisë në Maqedoninë e Veriut, Z. Denion Meidani, zhvilloi sot një takim të rëndësishëm e tepër miqësor me Kryetarin e Komunës Kërçovë, Z. Fatmir Dehari, për të diskutuar zgjerimin e bashkëpunimit midis dy vendeve tona

. Bisedimet u përqendruan në projekte që synojnë zhvillimin ekonomik, forcimin e arsimit dhe promovimin e turizmit lokal

.

Ambasadori i RSh-së në Shkup, Denion Meidani, zhvilloi një takim të rëndësishëm me Ministrin e Ekonomisë së RMV, Besar Durmishi. Diskutuan mbi përmirësimin e bashkëpunimit dypalësh dhe rajonal. Në fokus të bisedës ishte rritja e vizitave të nivelit të lartë dhe nismave për të thelluar marrëdhëniet ekonomike mes dy vendeve.

Shkëmbimi tregtar dhe klima e biznesit në RMV morën një vëmendje të veçantë. Ambasadori Meidani ngriti disa çështje kyçe lidhur me sfidat që përballen bizneset shqiptare në tregun maqedonas.

Ambasadori i RSh-së në Shkup, Denion Meidani, zhvilloi një takim produktiv me Zv.Ministrin e Arsimit dhe Shkencës, Lulzim Aliu .

Gjatë takimit, u diskutua bashkëpunimi dypalësh në fushën e arsimit dhe u theksuan mënyrat për forcimin e këtij bashkëpunimi në të ardhmen midis dy vendeve . Diskutimet u përqendruan edhe tek problematikat e procesit arsimor për nxënësit shqiptarë në disa shkolla në Komunat e Çashkës, Vizbegut dhe Karposhit, duke kërkuar zgjidhje të qëndrueshme për këto sfida.

Arsimi është çelësi për një të ardhme më të ndritur!