Shqip
English
Kryetarja e Kuvendit të Republikës së Shqipërisë znj. Lindita Nikolla, Ministrja e Shtetit për Marrëdhëniet me Parlamentin znj. Elisa Spiropali, Ministri i Brendshëm z.Bledi Çuçi dhe Ministri i Mbrojtjes z. Niko Peleshi ishin në Shkup si përfaqësues të Parlamentit e të Qeverisë shqiptare për të marrë pjesë në ceremoninë qeveritare për pritjen e trupave të pajetë të 45 qytetareve të Maqedonisë së Veriut që humbën jetën në aksidentin tragjik të 23 nëntorit në Bullgari.
Gjatë homazheve e ceremonisë së rastit në Aeroportin e Shkupit, znj. Nikolla e z. Peleshi vendosën një kurorë në nderim të viktimave në emer të Kuvendit, ndërsa znj. Spiropali e z. Cuci në emër të Qeverisë e të Kryeministrit Edi Rama.
