Zëvendësministri i Brendshëm, Besfort Lamallari mori pjesë në takimin e Komitetit të Ministrave të Brendshëm të Europës Juglindore, me pjesëmarrjen e të ftuarës së nderit Ministres së Brendshme të Italisë Luciana Lamorgese, zhvilluar në Shkup më datë 30 nëntor 2021.
Konventa ka për qëllim forcimin e bashkëpunimit të policive të vendeve të Europës Juglindore në luftën kunsër krimit të organizuar, trafiqeve, flukseve migratore ilegale, shkëmbimin elektronik të të dhënave biometrike e AND-së, për një luftë sa më efikase ndaj fenomeneve të domenit policor.
Veç përfaqësuesve palë të Konventës, takimi e përshëndeti edhe Komisioneri i BE-së, për Zgjerim  dhe Fqinjësinë e Mirë, Olivér Várhelyi, duke e konsideruar Konventën si bashkëpunim më të mirë ndërmjet BE-së dhe vendeve të Europës Juglindore aspirante për antarësim. Për shkak të të globalizimit të kërcënimeve të sigurisë të gjithë vendet palë të Konventës duhet të adoptohen me ndryshimet për sigurinë e kufijve të tyre e të luftojnë krimin e organizuar transnacional, terrorizmin e trafikun e qënieve njerëzore.