Shqip
English
Ambasadori i Republikës së Shqipërisë, Sh. T. Z. Fatos Reka, sot zhvilloi një takim kortezie me Kryetarin e Parlamentit të Maqedonisë së Veriut, Sh.T.Z. Talat Xhaferi, ku i përcolli urimet për rizgjedhjen si Kryetar i Parlamentit.
Ambasador Reka, e cilësoi rizgjedhjen e z. Xhaferi si një tregues i lidershipit të sprovuar, vizionar, të matur dhe të balancuar, gjatë legjislaturës së kaluar në Republikën e Maqedonisë së Veriut si dhe një tregues i pjekurisë dhe emancipimit të elitës politike shqiptare në Maqedoninë e Veriut dhe i përgjegjësive të saj për konsolidimin e demokracisë, ndërtimin e një shoqërie të drejtë, zhvillimin ekonomik e shoqëror dhe përshpejtimin e proceseve integruese euro-atlantike të Maqedonisë së Veriut.
