Në datën 4 korrik, Ambasada e Rumanisë, nën drejtimin e ambasadorit Anton Niculescu dhe konsullit të nderit Ludvik Nazarij Glavina, organizoi veprimtarinë e fundit kulturore sportive në kuadrin e Presidencës rumune të Këshillit Evropian-garë diplomatike e golfit. Krahas kolegëve të tjerë drejtues të misioneve diplomatike, ishte i pranishëm edhe ambasadori Pëllumb Qazimi.

Në datat 28-30 qershor në Tacen, në afërsi të Lubjanës është zhvilluar gara ndërkombëtare e kanoes, ngjarje kjo e përvitshme në Slloveni. Ekipe nga rreth 30 vende të ndryshme të botës garuan ndërmjet tyre. Gjatë garës ishte i pranishëm edhe ambasadori Pëllumb Qazimi së bashku me ambasadorë e diplomatë të tjerë.

Në datën 27 qershor, ambasadori Pëllumb Qazimi ka pritur në takim Nuncin e ri Apostolik në Slloveni, me rastin e fillimit të detyrës prej tij. Gjatë takimit, marrëdhëniet ndërmjet Shqipërisë dhe Selisë së Shenjtë janë vlerësuar si shumë të mira. Po ashtu, janë diskutuar tema të zhvillimeve të brendshme në Slloveni dhe situata në rajonin e Ballkanit Perëndimor.

Në një ceremoni të organizuar në mjediset e Shoqatës Kulturore Shqiptare "Migjeni", në Lubjanë, në datën 25 qershor, në kuadrin e 30 vjetorit të shoqatës, Ambasada e Shqipërisë u nderua me pllakatën "Migjeni". Pllakata iu dorëzua ambasadorit Pëllumb Qazimi, në prani të kryesisë të shoqatës, nga ana e Prof. Martin Berishaj.