Në mbrëmjen e datës 30 maj, me organizim të Shoqatës Shqiptare "Forum Ilirida" dhe bashkëkombasit Hamdi Muleci u organizua në Lubjanë darkë Iftari me shqiptarë nga Maqedonia e Veriut, Kosova, Mali i Zi dhe Shqipëria. Veprimtarisë iu bashkuan edhe diplomatë të Ambasadave të Shqipërisë, Kosovës dhe Maqedonisë të Veriut në Slloveni.

Në datën 29 maj, ambasadori Pëllumb Qazimi priti në takim Prof. Dr. Abdelhamid El-Zoheiry, President i Universitetit EMUNI, Slloveni, njëherazi edhe drejtues i Senatit të Universitetit. Universiteti EMUNI është i njohur nga Unioni Mesdhetar, ku pjesë është edhe Shqipëria. Ky institucion arsimor ushtron tre funksione kryesore, studime pasuniversitare, ndërlidh përmes rrjetëzimit universitetet në hapësirën Euro-Mesdhetare dhe shërben si platformë për dialog ndërkulturor.

Në mbrëmjen e datës 23 maj, ambasadorja e Turqisë në Slloveni në bashkëpunim me Komunitetin Musliman në Republikën e Sllovenisë organizoi darkë Iftari në Lubjanë. Së bashku me besimtarët muslimanë në Lubjanë, veprimtarisë iu bashkuan edhe zyrtarë të Ministrisë së Punëve të Jashtme të Sllovenisë, si dhe ambasadorët me bashkëshortet e tyre të Shqipërisë, Austrisë, Brazilit, Gjermanisë, Hollandës, Iranit, Maqedonisë së Veriut dhe Serbisë.

Në datën 20 maj, në Lubjanë, Qendra për Perspektivë Evropiane në zbatim të projektit për mbështetjen e sipërmarësve të rinj në Ballkanin Perëndimor zhvilloi njerin nga takimet me pjesëmarrje sipërmarësish të rinj nga gjashtë vendet e rajonit. Në kuadrin e projektit, më parë janë zhvilluar veprimtari në Tiranë, Nikshiq dhe Prishtinë. Veprimtaria e fundit është ajo që do të organizohet në Maribor.