Më datë 28 janar 2018, në Kishën e Shën Gjonit të Malvës në Trastevere Ambasada e RSH-së në Vatikan në bashkëpunim me Dom Pasquale Ferraro – Kordinator Kombëtar i Katolikëve Shqiptar në Itali, organizuan Meshën e Shenjtë, në nderim të Heroit Kombëtar Gjergj Kastriot Skënderbeut me rastin e 550-të vjetorit të ndarjes nga jeta. I ftuar nderi në këtë Meshë të Shenjtë ishte Sh.T. Z. Pandeli Majko, Ministër i Shtetit për Diasporën.

Sot 550° vjetori i vdekjes së Heroit tonë Kombëtar Gjergj Kastrioti Skënderbeu, ndër figurat më të rëndësishtme të shekullit XV-të. Heroi Kombëtar i Shqipërisë dhe i shqiptarve i cili duke mbrojtur vëndin e tij dhe vlerat e tij të krishtera, morale dhe fetare nga pushtimi osman, mori nga Papa Kalisti III emrat e Atletit të Krishtit dhe të Mbrojtësit të Besimit. Veprat e tij frymëzuan në shekujt artet letërsinë, rapsoditë dhe mbajtën gjallë shpirtin e lirisë tek shqiptarët.

Më datë 8 janar 2018, Papa Françesku priti në Udiencën tradicionale, Trupin Diplomatik të akredituar pranë Selisë së Shenjtë. E pranishme në këtë takim dhe E Ngarkuara me Punë, znj. Majlinda Dodaj. Ati i Shenjtë u prit në hyrjen e tij në Sallën Regia të Pallatit Apostolik, nga duartrokitjet e ngohta të Ambasadorëve, takim i peste ky i Atit të Shenjtë me Trupin Diplomatik që nga emërimi i tij si Ipeshkvi i Romës, në vitin 2013. Ishte ky takim, një vështrim i 12-të muajve të kaluar mbi situatën aktuale, si dhe mbi qëllimim e Misionit të Kishës Katolike në botë.

Më datë 24 – 25 dhjetor 2017 E Ngarkuara me Pune znj. Majlinda Dodaj, mori pjesë në kremtimet me rastin e festave të Krishtlindjes të cilat u zhvilluan në Bazilikën e Shen Pietrit ne Vatikan. Në vigjiljen e Krishtlindjes më datë 24 dhjetor, u mbajt Mesha e Shenjtë e cila u celebrua nga Ati i Shenjtë Papa Françesku.