Shqip
English
E Ngarkuara me Punë, znj. Majlinda Dodaj u prit në një takim në Sekretarinë e Shtetit të Vatikanit, nga Imzot Antoine Camilleri – Nënsekretar për Raportet me Shtetet, si dhe nga Imzot Giovanni Gaspari – Përfaqësuesi i Sekretarisë së Shtetit për Ballkanin. Në fokus të bisedimeve, shpallja e ‘Vitit Mbarëkombëtar të Skënderbeut’, dhe bashkëpunimi me Sekretarinë e Shtetit gjatë këtij viti. Gjatë bisedimeve, znj. Dodaj solli në vëmendje raportet e Skënderbeut me Selinë e Shenjtë, kryesisht me Papa Piun II e Papa Kalisti III, raporte të cilat ishin në fokus të temave të Konferencës: “Rrënjët Evropiane të Shqipërisë së Gjergj Kastriot Skënderbeut” e cila u zhvillua më datë 26 janar 2018, e do të vijojnë të jenë në qëndër të aktiviteteve përgjatë gjithë ‘Vitit të Skënderbeut’.
