Ambasada e Republikës së Shqipërisë në Mbretërinë e Belgjikës është e interesuar të pranojë praktikantë me kohë të pjesshme ose të plotë.

Orari i praktikës mund të përshtatet sipas orarit akademik dhe nevojave të praktikantit, por duhet të jetë në përputhje me orarin zyrtar të punës së Ambasadës.

Afati i aplikimit është i hapur gjatë gjithë vitit. Megjithatë, Ambasadës i nevojiten të paktën dy javë nga momenti i paraqitjes së dokumentacionit për të përfunduar procesin e pranimit.

Pozicioni është pa pagesë. Pas përfundimit të praktikës, praktikantit do t’i jepet certifikatë ose letër rekomandimi.

Kualifikimet:

Studimet:

• Studentë apo të diplomuar në Marrëdhënie Ndërkombëtare, Shkenca Politike, Juridik apo fusha të ngjashme.

Aftësitë:

• Të ketë aftësi të shkëlqyera komunikuese me shkrim dhe me gojë.

• Të ketë aftësi hartimi dokumentesh në gjuhën shqipe dhe franceze ose angleze.

• Të ketë njohuri në Microsoft Office dhe Excel.

• Të ketë aftësi për të punuar në mënyrë të pavarur dhe në ekip.

Detyrat e Praktikës:

Praktikantët mund të angazhohen në fushat e mëposhtme:

• Politika

• Marrëdhënie Kulturore

• Ekonomia dhe biznesi

• Administrata

• Shërbime Konsullore

• Media & Informim Publik

Praktikantëve do t’u ofrohet mundësia të punojnë në përputhje me fushën e tyre të studimit.

Dokumentacioni i Kërkuar:

• CV

• Letër Aplikimi drejtuar Ambasadës së Republikës së Shqipërisë në Belgjikë
(Subjekti: “Programi i Praktikës”)
Email: embassy.brussels@mfa.gov.al

• Vërtetim nga universiteti ku ndiqen studimet

• Dëshmi që aplikanti nuk është nën hetim penal

• Foto

Dokumentet mund të dërgohen me email në adresën e Ambasadës: embassy.brussels@mfa.gov.al