Më 20 Tetor 2024, me ftesë të Zv.Kryeministrit, njëherësh dhe Ministër i Shëndetësisë i Repubikës Arabe të Egjiptit, Khaled Abdel-Ghaffar, Ambasadori Sami Shiba mori pjesë në Sesionin e hapjes së Kongresit Global mbi Popullsinë, Shëndetin dhe Zhvillimin Njerëzor, që u mbajt në Kajro, Egjipt, më 21-25 Tetor 2024, nën kujdesin dhe prezencën e Presidentit të Republikës Arabe të Egjiptit, Sh.T. Abdel Fattah El-Sisi, dhe që kishte si bosht njohjen e rolit jetësor të kapitalit njerëzor në arritjen e zhvillimit të qëndrueshëm dhe mirëqenies për të gjithë; ndërlidhjen e thellë midis dinamikës së popullsisë, shëndetit dhe zhvillimit njerëzor.
Në fund të këtij eventi, Ambasadori zhvilloi një bisedë të shkurtër me Ministrin e Punëve të Jashtme, Emigracionit dhe Emigrantëve Egjiptianë, SHTZ Badr Abdelatty. Diskutuan mbi ecurinë e marrëdhënieve midis dy vendeve, bashkëpuniminj politik, shkëmbimin e vizitave të nivelit të lartë, mbajtja e Sesionit të parë të Komisionit të Përbashkët Ekonomik etj. Minbistri Abdelatty, ndër të tjera tha se, brenda një kohe të shkurtër, do të zhvillojë vizitën në Shqipëri.