Gjenevë, 9-10 tetor 2024

Në Gjenevë po zhvillon punimet Forumi i Shëndetit Mendor i OBSH-së.

Punimet e Forumit po ndiqen nga Misioni i Shqipërisë pranë Kombeve të Bashkuara dhe Organizatat e tjera Ndërkombëtare në Gjenevë.

Forumi zhvillohet në kuadër të Ditës Botërore të Shëndetit Mendor dhe ka në fokus të tij:

– diskutimin mbi zbatimin e iniciativave aktuale rajonale dhe globale të shëndetit mendor, përfshirë dhe situatat e emergjencave dhe konflikteve;

– zhvillimin e strategjive dhe mundësive të ardhshme në fushën e shëndetit mendor global, në kuadër të agjendës së OBSH-së dhe Programit të Përgjithshëm të 14-të të Punës.

– ndarjen e praktikave më të mira, politikave kombëtare në shërbimet e shëndetit mendor, gjetjeve kërkimore, inkurajimin e ndërhyrjeve dhe teknologjive të reja në shëndetin mendor.