Takimet me kolegun Seiichiro Taguchi, Ambasador për Iniciativën e Bashkëpunimit me Ballkanin Perëndimor në MPJ e Japonisë, janë përmbajtësore dhe me impakte pozitive konkrete përsa i përket zgjerimit të bashkëpunimit ndërmjet dy vendeve tona.
I tillë ishte edhe takimi i kësaj jave, ku krahas trajtimit të zhvillimeve aktuale, bashkëbiseduesit ndanë angazhimin e ndërsjellë për konkretizimin e iniciativave përgjatë këtij viti, me synim fuqizimin e mëtejshëm të marrëdhënieve dypalëshe.
Gjithashtu, Ambasadori Muça pati kënaqësinë të dëgjojë përshtypjet e tij nga vizita më e fundit në Tiranë.