Ambasadori Ermal Muça pati kënaqësinë e veçantë të zhvillojë një takim të ngrohtë dhe bisedë frymëzuese me Guvernatoren e Tokios, Yuriko Koike, një lidere me përvojë të gjatë e të pasur dhe vizion të qartë.
Politikat e zbatuara nga qeverisja vendore nën drejtimin e Guvernatores Koike gjatë dekadës së fundit kanë kontribuar në përparimin e Tokios si një prej metropoleve më të zhvilluara, ku ndërthuren dinamizmi ekonomik dhe inovacioni teknologjik me përgjegjësinë sociale, rendin publik, zhvillimin e qëndrueshëm dhe cilësinë e jetës.
Bisedua u zhvilluar për mundësitë e fuqizimit të bashkëpunimit në nivel të qeverisjes vendore, veçanërisht në fusha prioritare si zhvillimi i qëndrueshëm, menaxhimi dhe përballimi i pasojave të dukurive natyrore, zhvillimi i modeleve “Smart City” dhe “Green City”, si edhe mbështetja për startup-et dhe inovacionin.