Gjatë takimit, bashkëbiseduesit shkëmbyen mendime mbi zhvillimet aktuale gjeopolitike, ku Ambasadori Canaj rikonfirmoi mbështetjen e palëkundur të Shqipërisë për Ukrainën dhe popullin e saj.

Ambasadori Lytvynenko shprehu mirënjohjen për angazhimin dhe kontributin e Shqipërisë në mbështetje të Ukrainës, veçanërisht në organizatat ndërkombëtare.

Ambasadorët vlerësuan gjithashtu rëndësinë e Ministerialit Ukrainë – Evropa Juglindore, i cili do të mbahet në muajin e ardhshëm në Tiranë, nën drejtimin e Ministrit për Evropën dhe Punët e Jashtme të Shqipërisë, Sh.T.Z. Ferit Hoxha, dhe Ministrit të Punëve të Jashtme të Ukrainës, Sh.T. Z. Andrii Sybiha.