Ambasadori i Republikës së Shqipërisë Ilir Boçka e mbështet deklaratën e kryeministres Ana Brnabic për hapjen e negociatave për Shqipërinë e Maqedoninë në vijim të procesit të anëtarësimit të vendeve të Ballkanit perëndimor në Bashkimin Europian. Në fjalën e saj mbajtur në “Forumin ekonomik vjenez” në Sofje më 18 maj 2018, ajo u shpreh: „Rajonit i nevojitet paqe dhe stabilitet. Hapja e bisedimeve për anëtarsim me Maqedoninë dhe Shqipërinë është diçka që nevojitet të bëhet. Ato e meritojnë. Ne kemi vështirësitë tona në rrugën drejt BE-së, por gjithsesi mbështesim miqtë dhe komshinjtë“.​