Në kuadër të një projekti të përbashkët bashkëpunimi midis Misionit të OSBE-së në Beograd dhe ambasadës së Republikës së Shqipërisë, gazetari dhe shkrimtari Mustafa Nano kreu një vizitë në Serbi në datat 6-10 dhjetor 2017. Pjesë e këtij projekti është edhe shkëmbimi i artikujve midis gazetës “Danas” në Beograd dhe asaj “Mapo” në Tiranë. Gjatë vizitës ai vizitoi redaksinë e “Danas”-it ku takua dhe zhvilloi bisedime me kolegun Zoran Panoviç dhe gazetarë e drejtues të kësaj gazete, si dhe mori pjesë në një debat të organizuar në selinë e ambasadës austriake ku ishin të ftuar diplomatë, përfaqësues të shoqërisë civile, gazetarë, profesorë e studentë të katedrës së Gjuhës shqipe pranë Fakultetit të Filozofisë e të letërsisë së universitetit të Beogradit.

Mustafa Nano zhvilloi edhe një vizitë në komunat e Bujanocit e të Preshevës ku u takua me kryetarët e tyre, z. Shaip Kamberi e Shqiprim Arifi, si dhe me drejtues të partive politike shqiptare të këtyre trevave, znj. Ardita Sinani, z. Sami Salihu etj. Ai u takua dhe pati një bisedë të çiltër e miqësore me një grup gazetarësh të mediave në gjuhën shqipe me të cilët u shkëmbyen mendime për të pasur një bashkëpunim të frytshëm në të ardhmen.

Foto nga veprimtaria e zhvilluar në ambasadën austriake dhe nga takimi në Bujanoc me një grup gazetarësh dhe aktivistësh të shoqërisë civile.