Ambasadorja Entela Gjika u prit në audiencë nga Kryetari i Komitetit të Përbashkët për Bashkimin Evropian të Kongresit të Deputetëve, z. Alberto Fabra Part. Gjatë takimit, Ambasadorja përcolli urimet e saj për 40-vjetorin e anëtarësimit të Spanjës në Bashkimin Evropian, duke nënvizuar rëndësinë historike të këtij momenti historik. Takimi ofroi gjithashtu një mundësi për të nxjerrë në pah marrëdhëniet e shkëlqyera midis dy vendeve, të cilat këtë vit përkujtojnë 40-vjetorin e rivendosjes së marrëdhënieve diplomatike, si dhe për të theksuar progresin e rëndësishëm të Shqipërisë në procesin e integrimit të saj në Bashkimin Evropian. Të dyja palët ranë dakord për rëndësinë e thellimit të mëtejshëm të bashkëpunimit ndërparlamentar dhe rritjes së shkëmbimit të vizitave dypalëshe, me qëllim forcimin e mëtejshëm të lidhjeve midis dy vendeve.