Në një takim të zhvilluar sot në Konsullatën e Përgjithshme të Shqipërisë në Strugë, Konsulli i Përgjithshëm Petrit Musaj priti Kryetarin e Bashkisë së Pogradecit, Z. Ilir Xhakolli, me të cilin u bisedua për rëndësinë dhe mundësitë  e forcimit të bashkëpunimit ndërmjet dy qyteteve fqinje, Strugës dhe Pogradecit në fushën ekonomike, kulturore, turizmit, projekteve ndërkufitare, sportit  etj.

Në takim mori pjesë edhe Kryetari i Odës Ekonomike të Maqedonisë Veri-Perëndimore  (OEMVP), z. Mendi Qyra. Bashkëbiseduesit theksuan nevojën e rritjes së bashkëpunimit ekonomik midis bizneseve të dy qyteteve, ranë dakord  për angazhim të ndërsjellët për  rivendosjen e transportit ujor turistik  përmes liqenit  të Ohrit midis qyteteve Ohër, Strugë dhe Pogradec si dhe ndërmarrjen e përpjekjeve   të përbashkëta për lehtësimin e lëvizjes së qytetarëve dhe mallrave në pikën kufitare të Qafë Thanës, në Tushemisht etj.

Strugë 05.01.2025