Ky event solli para publikut një pasuri të vyer të trashëgimisë sonë kulturore, përmes prezantimit të kostumeve popullore nga të gjitha trevat shqiptare, si dhe dokumentarit “Sfilatë e Kostumeve Shqiptare në Zvicër”, nga regjisori Llesh Nikolla, duke dëshmuar përkushtimin dhe pasionin në ruajtjen dhe promovimin e identitetit tonë kombëtar edhe jashtë atdheut.

Në fjalën e tij përshëndetëse, Ambasadori Dredha vlerësoi lart organizimin e këtij aktiviteti kaq të bukur dhe domethënës, duke theksuar rëndësinë e ruajtjes dhe promovimit të trashëgimisë kulturore shqiptare në diasporë, falë angazhimit të palodhur të znj. Flora Balaj.

Gjatë ceremonisë, Ambasadori ndau një certifikatë mirënjohjeje për mjeshtrin e madh, z. Llesh Nikolla, nga “Parlamenti Paqësor i Kombit Shqiptar”, në shenjë vlerësimi për kontributin e tij të çmuar në promovimin e kulturës dhe identitetit shqiptar.