20 mars 2025 – Në Ambasadën e Republikës së Shqipërisë në Londër, u nënshkrua një Komunikatë e Përbashkët për vendosjen e marrëdhënieve diplomatike midis Republikës së Shqipërisë dhe Komonuelthit të Dominikës.

Dokumenti u firmos nga Ambasadori i Shqipërisë në Mbretërinë e Bashkuar, z. Uran Ferizi, dhe Znj. Janet Charles, Komisionere e Lartë në Detyrë e Komisionit të Lartë të Komonuelthit të Dominikës në Mbretërinë e Bashkuar.

Kjo ngjarje historike shënon fillimin e një bashkëpunimi të ri diplomatik, të bazuar në parimet e respektit të ndërsjellë, interesave të përbashkëta dhe angazhimit për normat ndërkombëtare. Marrëdhëniet diplomatike do të përforcojnë lidhjet mes dy vendeve në fusha të tilla si ekonomia, kultura, arsimi dhe mbrojtja e vlerave demokratike.

Ky hap reflekton përpjekjet e palodhura të Shqipërisë për të zgjeruar praninë e saj globale dhe për të ndërtuar partneritete me vende që ndajnë synime të përbashkëta.