Në këtë ditë të Krishtlindjes, në një atmosferë solemne dhe me zemra plot shpresë, Ambasadori i Shqipërisë në Ukrainë, Z. Ernal Filo, së bashku me Trupin Diplomatik në Ukrainë, iu bashkua Kryeministres së Ukrainës, znj. Yulia Svyrydenko, duke ndarë një lutje të përbashkët për paqe, drejtësi dhe çlirim.

Sot, miliona ukrainas ndezin një qiri dhe thonë një lutje me besim në zemër dhe me shpresën për një mrekulli të Krishtlindjes.Lutja jonë e përbashkët është për fitoren e Ukrainës dhe për përfundimin e kësaj lufte. Për të mundësuar që familjet të mblidhen sërish rreth të njëjtës tryezë, që çdo mbrojtës të kthehet në shtëpi, që të gjithë ata që presim nga robëria të çlirohen, dhe që fëmijët e rrëmbyer të rikthehen në atdheun e tyre. Për çlirimin e çdo qyteti dhe fshati, dhe për ribashkimin e popullit në një Ukrainë të lirë.Ne lutemi jo për lehtësi, por për qëndrueshmëri. Jo për mëshirë nga agresori, por për drejtësi dhe forcë. Historia na mëson se errësira nuk largohet me dëshira, por me guxim, unitet dhe vendosmërinë e qetë të njerëzve të lirë, që nuk heqin dorë nga e ardhmja e tyre.

Krishti u lind!