Në takimin e posaçëm të Grupit të Partnerëve Aziatikë për Bashkëpunim të OSBE, sot, nën kryesimin e Finlandës, Ambasadorja Gjermeni moderoi sesionin ku u fol për Shqyrtimin e ndikimit afatgjatë të ndalimit të arsimit për vajzat në sigurinë gjithëpërfshirëse dhe stabilitetin e Afganistanit dhe rajonit.

Mohimi i së drejtës për arsim nuk është vetëm një shkelje e të drejtave themelore të njeriut; ai përbën gjithashtu një shqetësim të thellë për sigurinë. Përjashtimi i grave nga arsimi dhe jeta publike rrezikon të thellojë varfërinë, varësinë dhe paqëndrueshmërinë, duke zvogëluar njëkohësisht mundësitë për përfshirje dhe për një qeverisje të përgjegjshme.

Arsimi përbën shtyllën kryesore të institucioneve të qëndrueshme, zhvillimit ekonomik, kohezionit shoqëror dhe qeverisjes gjithëpërfshirëse. Sigurimi i qasjes së plotë dhe të barabartë në arsim për gratë dhe vajzat është i domosdoshëm për paqe të qëndrueshme, stabilitet afatgjatë dhe zhvillim.

Faleminderit folësve tanë – Richard Bennett, Metra Mehran, Edith Schlaffer, Lara Scarpitta – si dhe delegacioneve për ofrimin e perspektivave të vlefshme mbi dimensionet e ndërlidhura të kësaj çështjeje dhe mbi mënyrën se si OSBE-ja dhe Partnerët e saj për Bashkëpunim mund të përgjigjen në mënyrë kuptimplotë dhe largpamëse për të mbështetur qëndrueshmërinë dhe lidershipin e grave afgane.