Në Sesionin e 68-të të Komisionit për Drogat Narkotike (CND) Ambasadorja Eglantina Gjermeni theksoi rëndësinë e bashkëpunimit ndërkombëtar në adresimin e sfidës globale të drogës.

Duke forcuar partneritetet me organizata si UNODC dhe Agjencinë e BE-së për Drogat, synojmë të forcojmë strategjitë tona kundër trafikimit të paligjshëm të drogës dhe të promovojmë iniciativa për shëndetin publik.

Fokusi ynë mbetet: parandalimi, ndërhyrja e hershme dhe qëndrueshmëria e komunitetit.

Shqipëria është e përkushtuar ndaj politikave që mbrojnë individët, të drejtat e njeriut, forcojnë institucionet dhe nxisin zhvillimin e qëndrueshëm. Së bashku, mund të ndërtojmë një të ardhme më të sigurt dhe më të shëndetshme.