Ambasada e Republikes se Shqiperise prane Selise se Shenjte, organizoi ne Senatin e Republikes Italiane, me date 21 maj 2024 konferencen: “INTELIGJENCA ARTIFICIALE PERBALLE INTELIGJENCES NJEREZORE”. Sipas Ambasadores Majlinda Frangaj, organizimi i konferences mori shkas nga fjalimi i Papa Françeskut per Diten Boterore te Paqes, i cili per kete vit i dedikohet Inteligjences Artificiale.
Ambasadoprja Frangaj nenvizoi se Inteligjenca Artificiale, si te gjitha risite e tjera teknologjike, do te zevendesoje nje pjese te punes njerezore me nje ndikim pune qe varion sipas sektoreve dhe me variazione afatshkurter e afatgjate. Ambasadorja Frangaj, solli ne vemendje se Shqiperia deshiron te perdore Inteligjencen Artificiale per te pershpejtuar rrugen e saj drejt anetaresimit ne Bashkimin Evropian. Frangaj theksoi se plani eshte qe te perdoret Chatbot Open Al per te perkthyer ne shqip mijera faqet e dispozitave ligjore te Bashkimit Evropian qe duhet te integrohen ne ligjin kombetar.
Nga ana e Senatit te Republikes Italiane, senatori Lucio Malan, ne pershendetjen e tij institucionale, theksoi rendesine e vendosjes se zhvillimit teknologjik ne nje kuader vlerash etike, ne menyre qe makinerite te jene gjithmone ne sherbim te qenieve njerezore. Ate Paolo Benanti, keshilltar i Papa Françeskut per temat e Inteligjences Artificiale, dhe Profesor ne Universitetin Papnor Gregorian, diskutoi kumtesen “INTELIGJENCA ARTIFICIALE DHE SFIDAT INFORMATIKE”. Ndersa Domenico Talia, Profesor i Inxhinierise Kompjuterike ne Universitetin e Kalabrise, diskutoi kumtesen “INTELIGJENCA E MAKINERIVE DHE FORMA E SE ARDHMES”, ku foli per mundesite por edhe rreziqet e evolucionit te makinerive. Konferenca u pasurua nga nderhyrja e Profesoreshes shqiptare, Blerina Sinaimeri, nga Universiteti LUISS ne Rome, me kumtesen: “INTELIGJENCA ARTIFICIALE NE BIOINFORMATIKE: MIDIS INOVACIONIT DHE SFIDAVE TE SE ARDHMES”, e cila diskutoi per bioinformatiken dhe aplikimin e inteligjences artificiale ne sektorin e shendetesise dhe ekologji. Profesoresha Sinaimeri paraqiti potencialin ne mjekesine preòize dhe parashikimin e toksicitetit te barnave nga te dhenat molekulare, por gjithashtu trajtoi çeshtjet qe lidhen me keto raste, duke u fokusuar ne sfidat dhe problemet ende te pazgjidhura. Profesoresha Sinaimeri u shpreh se kur flasim per Inteligjencen Artificiale ne biologji, ne bioinformatike apo ne mjekesi, nuk mund te mos permendim rezultatin me befasues te fundit. Ajo solli ne vemendje se pikerisht vitin e fundit (2023) eshte dhene Cmimi “Lasker” nje softueri te Inteligjences Artificiale, nje mjeti, dhe per rrjedhoje nje kodi. Ndersa Franceska Panesa, shkenctare ne Istitutin (italian) Kombetar te Astrofizikes diskutoi kumtesen “PERDORIMI I INTELIGJENCES ARTIFICIALE NE ASTROFIZIKE”. Ne kete konference ajo diskutoi se si Inteligjenca Artificiale tashme po perdoret ne fushen astronomike. “Ne veçanti, ne te ardhmen, perdorimi i Inteligjences Artificiale do t’i lejoje astrofizikanet te shfrytezojne sasine e madhe te te dhenave qe do te na ofrojne teleskopet ne toke dhe ne hapesire” theksoi Panesa. Shkenctarja Panesa, duke vijuar diskutimin mbi Intelligjencen Artificiale theksoi se “Ne fushen Macchine Learning, nje rrjet nervor artificial (ANN) eshte softuer qe te frymezohet nga nje rrjet nervor si te qeniet e gjalla, prandaj perpiqet te imitoje trurin e njeriut. Nje rrjet nervor merr te dhena, trajnohet per te njohur modelet brenda atyre te dhenave dhe siguron dhe parashikon nje dalje. Ai krijon nje rregull dhe e zbaton ate ne te dhena qe nuk i ka pare kurre me pare. Astrofizikanet shpejt e kuptuan kete potencial dhe filluan te perdorin keto te metoda per te klasifikuar galaktikat”. Ne vijim gazetari Mimo Muolo i gazetes me drejtim katolik “AVVENIRE”, trajtoi çeshtjet aplikimit te Inteligjences Artificiale ne komunikim gjithashtu ne driten e mesazhit te Papa françeskut per Diten e Komunikimeve Sociale. Konferenca u moderua nga gazetarja Manuella Tulli, Agjensia prestigjose ANSA.
Ne konference moren pjese Ambasadore te akredituar prane Selise se Shenjte, profesore te Universiteteve Papnore dhe atyre italiane, studiues dhe eksperte per temat e inteligjences artificiale, perfaqesues te shoqates “Grate ne Vatikan”, bashkeatdhetare dhe arberesh.
