Ambasadorja Majlinda Frangaj mori pjesë, më 16 nëntor 2024, në ceremoninë e Lumnimit të  Atë  Luigji Paliq dhe  Don Gjon Gazullit, e cila u mbajt në Katedralen e Shën Shtjefnit në Shkodër,  pikërisht në ditën e përkujtimit liturgjik të Imzot Vinçenc Prenushit dhe 37 shokëve të tij martirë.

Kështu, Atë Luigji Paliq dhe Don Gazulli do t’i bashkohen 38-të  martirëve të tjerë, të cilët u shpallën të tillë në vitin 2016.

Nëpërmjet një komunikate, Selia e Shenjtë, më datë 20 qershor 2024, shpalli dekretin e Dikasterit për Çështjet e  të Shenjtëve, përmes të cilit Ati i Shenjtë Papa Françesku dekretoi dhe autorizoi Lumnimin e Atë Luigj Paliqit dhe Dom Gjon Gazullit.

16 nëntopri 2024, shënon një ditë historike për Kishën Katolike shqiptare dhe besimtarët e krishterë në Shqipëri dhe Kosovë.   Të dy meshtarët, Dom Gjon Gazulli dhe Atë Luigj Paliq, humbën jetën për shkak të virtyteteve heroike fetare që dëshmuan në mbrojtje të Kishës Katolike.