Me datë 2 korrik 2024, Ambasadorja Majlinda Frangaj prezantoi Letrat Kredenciale Princit dhe  Mjeshtrit të Madh të Urdhërit Ushtarak Sovran të Maltës,  Frà John Timothy Dunlap.

Gjatë bisedimeve, ndër të tjera, palët  vunë  në dukje marrëdhëniet  e shkëlqyera midis Shqipërisë dhe Urdhërit  Ushtarak Sovran të Maltës, duke kujtuar  gjithashtu se Viti 2024 përkon me 30 vjetorin e marrëdhënieve dypalëshe. U soll në vëmendje gjithashtu vizita e Presidentit të Republikës së Shqipërisë SH. T. Z. Bajram Begaj, në prill të këtij viti pikërisht me rastin e 30 vjetorit  të vendosjes së marrëdhënieve  midis Shqipërisë dhe Urdhërit të Maltës. Ambasadorja Majlinda Frangaj deri me 2 korrik 2024, mbante detyren e të Ngarkuarit me Pune pranë Urdhërit të Maltës.