Shqip
Français
Më 30 maj 2016, Kryeministri shqiptar Edi Rama u prit në Paris nga Presidenti francez François Hollande. Presidenti francez shprehu mbështetjen e Francës ndaj përpjekjeve të Shqipërisë, në përmbushje të kushteve, në kuadër të hapjes së negociatave për anëtarësim në Bashkimin Evropian. Gjithashtu ai vlerësoi forcimin dhe intensifikimin e marrëdhënieve dypalëshe politike, ekonomike dhe kulturore si dhe forcimin e Frankofonisë në Shqipëri.
U diskutua gjithashtu mbi përgatitjet e konferencës së Parisit më 4 korrik, mbi bashkëpunimin midis Bashkimit Evropian dhe Ballkanit Perëndimor si dhe luftën e përbashkët kundër terrorizmit dhe ekstremizmit.
