
Ambasadore Ravesa Lleshi është Përfaqësuesja e Përhershme e Shqipërisë pranë Zyrës së Kombeve të Bashkuara dhe Organizatave të tjera Ndërkombëtare në Gjenevë.
Para emërimit të saj në 2018, znj. Lleshi ka shërbyer si E Ngarkuar me Punë a.i. pranë Misionit shqiptar në OSBE dhe Organizatat e tjera Ndërkombëtare në Vjenë (2016) dhe si Këshilltare e Ministrit të Punëve të Jashtme të Shqipërisë (2013).
Znj. Lleshi është diplomuar në të Drejtë Publike Ndërkombëtare dhe Evropiane (LL.B / LL.M) në Universitetin e Tilburgut, në Hollandë. Angazhimet e saj të mëparshme kanë qenë në fushën e botimeve juridike, kërkimit shkencor dhe mësimdhënies.
Ajo zotëron gjuhën angleze dhe hollandeze.