Më 13-14 maj 2025, u mbajt në Berlin Ministeriali Paqeruajtës i Kombeve të Bashkuara, i organizuar nga Ministria gjermane e Punëve të Jashtme dhe Ministria e Mbrojtjes.

Shqipëria u përfaqësua nga Zëvendësministrja e Mbrojtjes, znj. Blerina Abrazhda dhe Ambasadorja e Shqipërisë në Gjermani, znj. Adia Sakiqi.

Ministeriali Paqeruajtës i OKB-së është një forum global kyç i nivelit të lartë ku vendet diskutojnë të ardhmen e paqeruajtjes. Është një moment për të forcuar mbështetjen politike, për të rritur sigurinë e paqeruajtjes dhe për të përmirësuar ndikimin e misioneve në terren. Një paqeruajtje më e sigurt dhe më efektive — për një botë më paqësore.