Rrjeti i Biznesit Shqiptar në Berlin zhvilloi një takim pune me Ambasadoren e Republikës së Shqipërisë në Gjermani, znj. Adia Sakiqi, në ambientet e Ambasadës së Shqipërisë në Berlin

Në kuadër të vizitës së Ministrit të Bujqësisë në Berlin, me rastin e Forumit Global për Ushqimin dhe Bujqësinë (GFFA) dhe Javës së Gjelbër, Rrjeti i Biznesit Shqiptar në Berlin, në bashkëpunim me Ambasadën e Republikës së Shqipërisë në Berlin, organizoi gjithashtu një takim pune me delegacionin e Ministrisë së Bujqësisë.

Gjatë këtij takimi u diskutuan mundësitë për:

• promovimin e produkteve shqiptare,

• pjesëmarrjen në panaire ndërkombëtare,

• vendosjen e bashkëpunimeve konkrete për ofrimin dhe shpërndarjen e produkteve bujqësore dhe ushqimore shqiptare në tregjet e huaja.

Takimet përfaqësojnë një hap të rëndësishëm drejt forcimit të bashkëpunimit institucional dhe zhvillimit të biznesit shqiptar në tregjet ndërkombëtare.