Ministrja e Kulturës, znj. Mirela Kumbaro firmosi sot në Berlin marrëveshjen e bashkëpunimit kulturor Shqipëri –Gjermani 2015, Marrëveshje e cila parashikon shkëmbimin e njohurive mbi artin, letërsinë, gjuhën, kulturën nëpërmjet organizimit të turneve të artistëve dhe ansambleve artistikë, organizimit të koncerteve, shfaqjeve teatrore dhe shfaqjeve të tjera artistike, zhvillimit të ekspozitave në gjini të ndryshme të artit pamor.