I Ngarkuari me Punë a.i. i Ambasadës së Republikës së Shqipërisë në Xhakartë, z. Nikson Ballço, zhvilloi një takim, me ftesë të Drejtorisë për Evropën II të Ministrisë së Punëve të Jashtme të Republikës së Indonezisë, me përfaqësues të PT Kimia Farma Tbk dhe PT Sinkona Indonesia Lestari (SIL), dy ndërmarrje shtetërore indoneziane, për të diskutuar mundësitë e bashkëpunimit ndërmjet Shqipërisë dhe Indonezisë në sektorin farmaceutik.

Takimi ofroi mundësinë për shkëmbimin e pikëpamjeve mbi sektorët farmaceutikë të të dyja vendeve dhe eksplorimin e mundësive potenciale për kompanitë indoneziane për të zgjeruar më tej praninë dhe aktivitetin e tyre në tregun shqiptar.

Diskutimet përfshinë gjithashtu fushat e ekspertizës së kompanive, tregun shqiptar dhe potencialin e tij, si dhe mundësitë për kontakte biznes me biznes, eksplorimin e tregut dhe shkëmbimin e mëtejshëm të informacionit ndërmjet aktorëve përkatës.

Takimi është pjesë e përpjekjeve të vazhdueshme të Ambasadës për të identifikuar mundësi konkrete për bashkëpunim ekonomik dhe biznesi ndërmjet Shqipërisë dhe Indonezisë.