![](https://ambasadat.gov.al/istanbul/wp-content/uploads/sites/54/2023/06/f22d907e-fcbe-4b0f-a2ed-d2afb205fbd0.jpg)
Konsull i Përgjithshëm Armand Shandro
![](https://ambasadat.gov.al/istanbul/wp-content/uploads/sites/54/2024/04/101047956_1340281269514427_674911976937226240_n.jpg)
Zoti Armand Shandro është diplomat karriere i Shërbimit Diplomatik të Republikës së Shqipërisë. Aktualisht shërben si Konsull i Përgjithshëm i Republikës së Shqipërisë në Stamboll. Më parë ai ka mbajtur pozicione të rëndësishme në disa prej përfaqësive diplomatike shqiptare në botë, përfshirë atë si zv/ Ambasador në Ambasadën e RSH-së në Uashington, D.C., Këshilltar në Misionin e Përhershëm të RSH-së në Kombet e Bashkuara në Nju Jork dhe i Ngarkuar me Punë ne Ambasadën e RSH-së në Tokio.
Ai është njohës i mirë i fushës së ligjit dhe shkencave politike. Z. Shandro është diplomuar në Drejtësi nga Universiteti i Tiranës, në Shkenca Politike nga Universiteti i Bukureshtit dhe në studimet Master në Marrëdhënie Ndërkombëtare dhe Integrimin Evropian. Gjithashtu, ai ka dhënë kontribut në fushën akademike si Lektor në Universitetin e Tiranës dhe në Albanian University si edhe ka qenë anëtar i Komitetit Shqiptar të Adoptimit.
Flet rrjedhshëm anglisht, rumanisht dhe italisht.
Ai është i martuar me Manjola Karamen dhe ka dy fëmijë, Marko dhe Darla.