Më datë 26.11.2017, Ambasadori Saimir Bala, u prit në një takim nga Drejtori e Përgjithshëm e Fondit kuvajtian për Zhvillim, z. Abdulwahab A.Al Bader.
Z. Al Bader, ndër të tjera, duke folur për projektet e Fondit Kuvajtian për Zhvillim në vendin tonë, tha në veçanti se për projektin e Rrugës së Lumit të Vlorës po bashkëpunojmë ngushtë me Fondin e Zhvillimit Shqiptar për të përmbyllur proçedurat e nevojshme për projektin në fjalë, i cili financohet nga Fondi në 41 mln USD. Ka filluar puna me lotin e parë 20 km dhe po vijohet me lotin e dytë 27 km. Më pas, ai tha se së shpejti do të njoftojë palën tonë në zgjidhjen edhe të disa çështjeve teknike që lidhen më supervizimin. Në fund, z. Al Bader u shpreh i gatshëm për të biseduar në të ardhmen me palën tonë edhe për projekte të tjera.