SHTZ. Saimir Bala mirëpritet në Shtetin e Kuvajtit si ambasadori i ri i Shqipërisë në këtë vend. Sipas procedurave protokollare, ai mirëpritet në Sallen Vip në aeroportin e Kuvajtit më datë 1 maj, 2016 nga autoritete të MPJ-së vendase.
Më datë 2 maj, ambasadori Bala zhvillon takimin e parë me Drejtorin e Protokollit të Ministrisë së Jashtme të Shtetit të Kuvajtit,  Ambasador Dhari Ajran Al-Ajran. Gjatë bisedës së përzemërt me Ambasadorin Al-Ajran theksohen marrëdhëniet shumë të mira diplomatike midis dy vendeve si dhe dëshira e mirë e Shtetit të Kuvajtit për ti zhvilluar edhe metej ato.
Në po të njejtën ditë, 2 maj, zhvillohet takimi me Zv. Kryeministrin e Parë dhe Ministrin e Jashtëm të Kuvajtit, Sheikh Sabah Khalid Al-Hamad Al-Sabah, ku u zhvillua edhe ceremonia e dorëzimit të kopjeve të Letrave Kredenciale. Ky takim mbyllet me ndjenjën e mirë të bashkëpunimit të frytshëm midis dy vendeve.
Më datë 3 maj, ambasadori Saimir Bala me anë të një ceremonie solemne i dorëzon Letrat Kredenciale Lartësisë së Tij, Sheikh Sabah Al-Ahmed Al-Jaber Al-Sabah.