Dje, në ambjentet e ambasadës tonë u zhvillua një event promovues i Turizmit Shqiptar në bashkëpunim me Jazeera Airways dhe me pjesëmarrjen e vyer të agjencive më prestigjoze turistike që operojnë në Kuvajt.

Sot, ambasadori z. Ilir Hysa zhvilloi një takim me kryetarin e Grupit të Miqësisë Kuvajt-Shqipëri, në Asamblenë Kombëtare të Kuvajtit, z. Muhamad Al-Mutairi. Ndër të tjera u bisedua rreth marrëdhënieve dypalëshe midis dy vendeve dhe për mundësi bashkëpunimi në fusha me interes të përbashkët.

Sot, më datë 13.11.2023, Ambasadori i Republikës së Shqipërisë në Shtetin e Kuvajtit, z. ILIR HYSA, dorëzoi kopjet e letrave kredenciale Ministrit të Jashtëm të Shtetit të Kuvajtit, Sheikh Salem Abdullah Al-Jaber Al-Sabah.

Më datë 21 shkurt 2019, Ambasadori Saimir Bala u prit në një takim nga Asistent Ministre për Çështjet Ekonimike të MPJ-së kuvajtiane Amb.Amal Al-Hamad. Qëllimi i takimit kishte të bënte me shkëmbime mendimesh rreth marrëdhënieve dypalëshe në fushën ekonomike.
Asistent Ministrja Al-Hamad , ndër të tjera, tha se marrëdhëniet ndërmjet dy vendeve janë të shkëlqyera. Ndërkohë duhet të intensifikojmë përpjekjet tona të përbashkëta për të bërë të mundur rritjen e volumit të shkëmbimeve në aspektin ekonomik ndërmjet dy vendeve.