Ambasadorja e Republikës së Shqipërisë në Mal të Zi, Zhaklina Peto, mori pjesë në koncertin e mezzosopranos së njohur shqiptare Manjola Nallbani, i zhvilluar në Sallën e Qendrës Muzikore të Malit të Zi, në organizim të Qendrës për Ruajtjen dhe Zhvillimin e Kulturës së Pakicave të Malit të Zi.

Kjo mbrëmje artistike shërbeu si një shembull domethënës i promovimit të dialogut kulturor dhe vlerave të bashkëjetesës multietnike, duke theksuar rolin e rëndësishëm që komunitetet e pakicave luajnë në pasurimin e jetës kulturore në Mal të Zi.