Shoqata Polako-Shqiptare dhe Shoqata Polako-Kosovare organizuan piknikun tradicional “Pranvera Shqiptare”, në kopshtin mikpritës të profesoreshës Irena Sawicka në Ciechocinek.

Aktiviteti u hap nga kryetarja e Shoqatës Poloni-Shqipëri, znj. Dorota Horodyska, dhe kryetari i Shoqatës Poloni-Kosovë, z. Haxhi Dulla. Të pranishmit i përshëndetën Ambasadorja e Shqipërisë, znj. Mimoza Halimi, dhe Konsulli i Përgjithshëm i Kosovës në Poloni, z. Drilon Gashi.

Pjesëmarrësit shijuan gatime tradicionale shqiptare, kosovare dhe polake – nga bakllavaja dhe petullat , te sarmat e Kukësit dhe vera nga Kosova – duke ndarë shije dhe kultura.

Programi përfshiu gjithashtu prezantime mbi bashkëpunimin ndërmjet vendeve tona në fushën e turizmit, kulturës dhe gjeologjisë:

Prof. Dr. Joanna Minksztym, kuratore në Muzeun Etnografik të Poznań-it, prezantoi temën “Shqipëria: bukuria e fshehur”.

Dr. Irena Tatarzyńska, ish-Ambasadorja e Polonisë në Shqipëri, foli për kontributin e profesor Stanisław Zuber në zhvillimin e gjeologjisë shqiptare.

Dr. Dorota Horodyska prezantoi veprimtarinë e fotografes së njohur polake Zofia Rydet në Shqipërinë e viteve ’60.

Vitin e ardhshëm, ky aktivitet integrues “Pranvera Polako-Shqiptare” do të organizohet ne Varshave nga Ambasada e Shqipërisë në Varshavë dhe Konsullata e Përgjithshme e Kosovës ne bashkepunim me te dy shoqatat.

Faleminderit nga zemra të gjithë pjesëmarrësve që e bënë këtë ditë kaq të veçantë!