Ambasadori i Shqipërisë në Serbi, Dr. Bardhyl Canaj, zhvilloi një takim me Shefin e ri të Zyrës së Këshillit të Evropës në Serbi, Z. Janos Babity.

Z. Babity vlerësoi treguesit e progresit që po bën Shqipëria në forcimin e shtetit të së drejtës, të drejtave të njeriut dhe përkushtimin për të të përmirësuar më tej standartet demokratike në rrugën drejt integrimit evropian. Bazuar në këto arritje, nënvizoi Z. Babity, Komiteti Monitorues i Asamblesë Parlamentare të Këshillit të Evropës, vendosi pak ditë më parë të mbështesë unanimisht kalimin e Shqipërisë në fazën e dialogut të post-monitorimit.

Në vijim takimi u fokusua në agjendën që Zyra e Këshillit të Evropës dhe shteti i Serbisë po punojnë për plotësimin e kritereve që pëmbajnë kapitujt 33 dhe 34 të procesit të integrimit në Bashkimin Evropian, që i shërbejnë përmirësimit të standarteve të jetesës e të drejtave humane të komuniteteve dhe minoriteteve që bashkëjetojnë në Serbi.