Asambleja e 24-të e Përgjithshme e Organizatës Botërore të Turizmit (UNWTO) u mbajt në Madrid nga 30 nëntori deri më 3 dhjetor 2021 me pjesëmarrjen e më shumë se 1000 përfaqësuesve të qeverive, kompanive dhe organizatave ndërkombëtare nga 135 vende, duke përfshirë Shqipërinë.

Delegacioni shqiptar kryesohej nga zv.ministrja e Turizmit në Ministrinë e Turizmit dhe të Mjedisit, znj. Vilma Bello.

Fokusi qendror i Asamblesë ishte promovimi i turizmit në mbarë botën, pas ndikimit që pati pandemia Covid 19 në këtë sektor. Gjatë Kuvendit u zhvilluan dy seancat e Këshillit Ekzekutiv, e 114-ta dhe e 115-ta, punimet e të cilave u ndoqën dhe nga delegacioni i Shqipërisë.

Asamblea mori vendime të rëndësishme. Vendosi që Samarkandi, Uzbekistan, të mikpresë punimet e asamblesë së ardhshme në vitin 2023. Vendosi gjithashtu të emërojë edhe për një mandat tjetër sekretarin aktual të përgjithshëm të Organizatës