Mikpritëm në Ambasadë një delegacion të përbërë nga start up-et fituese të Challenge Fund nga EU4Innovation, si dhe përfaqësues të institucioneve dhe agjencive qeveritare shqiptare në fushën e inovacionit, në përfundim të vizitës së tyre studimore në Suedi, së bashku me Ambasadorin e Suedisë në Shqipëri Niklas Ström dhe përfaqësues të institucioneve suedeze.

EU4Innovation është një projekt i themeluar në vitin 20218 nga BE, Gjermania dhe Suedia, i cili synon të kontribuojë në rritjen ekonomike dhe konkurueshmërinë në zonat e ndryshme të Shqipërisë, duke përmirësuar ekosistemin e inovacionit dhe duke nxitur krijimin e start up-ve.

Delegacioni shqiptar zhvilloi një vizitë studimore 3 ditore në Suedi, ku pati mundësi të vizitonte dhe zhvillonte takime me një sërë institucionesh dhe aktorë të rëndësishëm vendas në fushën e inovacionit si: Business Sweden, Vinnova Agency, Swedfund, SIDA, Almi, Office for Research, Engagement and Innovation Services (REIS), KTH etj.

Gjatë takimit Ambasadorja Albana Dautllari, shprehu mirënjohje ndaj qeverisë suedeze dhe BE për mbështjen e iniciativave të zhvilluesve të rinj shqiptar, institucioneve tona publike të fushës dhe gjithë punës për transformimin e ekonomisë shqiptare në një ekonomi të bazuar në inovacion dhe në njohuri, me fokus në tranzicionin e gjelbër dhe dixhital.

Gjithashtu takimin e përshendeti Ambasadori Suedez në Shqipëri Niklas Ström dhe Drejtoresha e Agjencisë së Inovacionit dhe Ekselencës Ledi Imeraj.